ہِک ہِک رات تے شام وے ڈھولا

فرحت عباس شاہ

ہِک ہِک رات تے شام وے ڈھولا
تیئں سوہنے دے نام دے ڈھولا

تیرے باجھ ارام وے ڈھولا
ساتھوں مُول حرام وے ڈھولا

دل ساڈا درباراں ورگا
ناں لاویں اِلزام وے ڈھولا

تیرے باجھ ایہہ وَسدی نگری
سانُوں دِسدی لام وے ڈھولا

تُوں وی تے ایس جگ تے ہویا
ساتھوں وَدھ بدنام وے ڈھولا

صبح سویر دا وعدہ کر کے
کر چھڈّی وے شام وے ڈھولا

سانُوں اج وی تیرا کر کے
لوکی کرَن سلام وے ڈھولا

پیار دی پہل ہمیشہ سوہنی
بہُوں بَھیڑا انجام وے ڈھولا

Read this poem in Roman or ਗੁਰਮੁਖੀ