چھڈ دے مکر فریباں مورکھ کر لے کم بھلائی دا ند کے شر دے کالے کاراں خیر تھیں جیوڑا لائی جا کت کے سوتر سوہنے کرماں عملیں تند ودہائی جا پا تلاواں کھچ کے شر نوں وانگ پتنگ اُڑائی جا کڈ کے بوکے یار دے کھو توں عملوں گھڑوی بھردا جا جدھروں پاویں مٹھڑی بھاشہ اُوتل پیر ودہائی جا رسموں قسموں بچ جاویں تے چُپ چپیاں لنگھدا جا حُب محمدی دل وچ پا کے پیار دا ڈھول وجائی جا حق حلالیں ڈوگراں کھا کے خیر دی بین وجاندا جا رہہ کے نال کولڑے لوکاں اُوکھا ڈنگ ٹپائی جا اُٹھ اُو قرشی چھڈ دلیلاں بیٹھا عمل کمائی جا گُن لے آٹا اوہدے ناں دا ٹاپاں خیریں لائی جا
