تیرا پیار

تیرا پیار
خوشبو وانگ
ہر پل توں میرے ساہاں چ
گُھلدا رہندا ہیں
تے مہکاں بھری پُھلاں وانگ
میں کِھلدی رہندی ہاں
الہی سنگیت وانگ
تیری آواز میرے کنّاں وچ
ڈھلدی رہندی ہے
تے میں جیویں کوئی دھڑکدا گیت بن جاندی ہاں

تیرے ہوٹھاں توں کِرے لفظ
میری جھولی چ پُھلاں وانگ ڈگدے رہندے نیں
تے پھر اوہ سارے بول
میری دعا وچ شامل ہو جاندے نیں

ہر تیری چھوہ
تے دُوروں ہوا چ تیردا ہویا
ہر تیرا چُمن مینوں
نت کنج کنوارا بنا جاندا ہے
نت نواں نروآ