توں میری دنیا ہیں
میری روح وی تے دل وی
مینوں پتہ ہے میں وی تیرے دل دی دھڑکن ہاں
پر کدی کدی جد توں ملدا نہیں
تاں لگدا ہے جیویں زندگی اک ہی پل
تے اک ہی نقطے تے کھلو گئی ہے
تیرے پیار نوں تاں میں رب بنا لیا ہے
تے لگدا ہے ہُن جیویں ایہہ اچھوہ ہے
دُوروں سجدہ کردی ہاں
تیری یاد نوں چمدی ہاں
تے اکثر سوچدی ہاں
کیہ توں کِنّا کو میرا ہیں؟
کس کرکے توں دُور دُور لگدا ہیں
تے اکثر تیرا ہی پیار مینوں ہمت دیندا ہے
تے جاندی ہاں کیہ تینوں پاؤن لئی
مینوں ہمیشہ اسمان بن کے ہی رہنا پوے گا
سوچدی ہاں کہ میرے کول تاں
آپا لٹاؤن دا احساس ہے
باقی تاں تیری مرضی ہے
حوالہ: گجر؛ ترنجن؛ صفحہ 83