خواباں چ کھڑ رہے جویں سوہے گلاب دا

خواباں چ کھڑ رہے جویں سوہے گلاب دا
جلوہ اویں سی مانیا میں آفتاب دا

بندے نوں ہوندا ہے پتہ ایہہ کرم ہے برا
چسکا شباب وانگ ہی ہوندا شراب دا

جیکر نہیں قبول عبادت پیار دی
ورقہ نہ پھیر پھولنا توں اس کتاب دا

سوہنی دی یاد آوندی کنڈھے نوں اس سمے
پانی جدوں وی اچھلدا دیکھے چناب دا

میری زبان نے ساتھ نہ دتا جدوں میرا
سرکا لیا سی اوس نے پلہ حجاب دا

اس نوں کویں کہاں کہ الاپے وہاگڑا
سر تال ہی بدل گیا ہے جد رباب دا

جیکر معصوم مار کے چاہندے ہو بدل
رستہ ہی پھیر غلط ہے اس انقلاب دا

حوالہ: گفتگو؛ سانجھ؛ صفحہ 39 ( ویکھو )