81
ਭੈਣ ਦੀ ਜ਼ਾਰੀ
ਭੈਣ ਉੱਠੀ ਲੜ ਚਿੰਬੜੀ ਤੂੰ ਸੁਣ ਵੀਰ ਭਰਾ
ਜਾਮਾ ਤੇਰੇ ਕਾਜ ਦਾ ਰੱਖਿਆ ਖ਼ੂਬ ਰੰਗਾ
ਜ਼ਰੀਨ ਜਾਮਾ ਪਹਿਨ ਕੇ ਗਲੀਅਂ ਲਟਕ ਵਿਖਾ
ਲੌਂਗ ਤੇ ਕੇਸਰ ਘੋਲ਼ ਕੇ ਕੀਤੇ ਸਭ ਛਣਕਾ
ਵਾਸਤਾ ਘਤੋਂ ਰੱਬ ਦਾ ਖੀਵੇ ਸ਼ਹਿਰ ਨਾ ਜਾ
82
ਭੈਣ ਉੱਠੀ ਲੜ ਚਿੰਬੜੀ ਤੂੰ ਮੈਨੂੰ ਕਿਤੇ ਲੜ ਲਾ
ਮੈਂ ਸਾਹਿਬਾਨ ਜਿਹੀਆਂ ਰਾਣੀਆਂ ਲੱਖ ਦੇਸਾਂ ਪਰਨਾਹ
ਆਵਸਨ ਲੈ ਜਾਵਸਨ ਖੜਨ ਡੋਲੀ ਵਿਚ ਪਾ
ਢੂੰਡਣ ਦਾਰੇ ਬੈਠਕਾਂ ਕੱਥ ਖਰਲਾਂ ਦਾ ਸ਼ਾਹ
ਵਾਸਤਾ ਘਤਨੀ ਆਂ ਰੱਬ ਦਾ ਅਜੋਕਾ ਵਾਰ ਖੁੰਝਾ
ਜਿਵੇਂ ਸ਼ਹੀਦਾਂ ਕਰਬਲਾ ਖੀਵਾ ਸਾਡੇ ਜਾ
83 ۔
ਜਵਾਬ ਮਿਰਜ਼ਾ
ਮੰਦਾ ਕੀਤਾ ਈ ਛਤੀਏ ਕੀਤੀ ਏ ਗੱਲ ਬਰੀ
ਇਸ਼ਕ ਨਹੀਂ ਕੁੱਝ ਜਾਂਦਾ ਵਗਿਆ ਕਰ ਖੁਰੀ
ਸਿਰ ਪਰ ਸਿਆਲੀਂ ਜਾਵਣਾ ਤੋੜੇ ਪੇਟ ਛੁਰੀ
84 ۔
ਜਵਾਬ ਛੱਤੀ
ਸੁੱਤੀ ਸੁਫ਼ਨਾ ਵਾਚਿਆ ਸੁਫ਼ਨਾ ਬੁਰੀ ਬਲ਼ਾ
ਥੰਮ ਕੜਕਾ ਮਾਰਿਉ ਮਹਿਲ ਡਿੱਗਾ ਗਰੜਾ
ਬਾਲਾ ਛੱਜਾ ਝੜ ਪਿਆ ਜਿਸ ਤੇ ਲਈਂ ਹਵਾ
ਹੱਥ ਅਟੇਰਨ ਰੰਗਲਾ ਗਿਣ ਗਿਣ ਅਟੀਆਂ ਲਾਹ
ਉਭੋਰਾ ਜਿਹਾ ਇਕ ਝੋਟੜਾ ਸਿਆਲਾਂ ਕੁੱਠਾ ਜਾ
ਬੂਟੀ ਬੂਟੀ ਕਰ ਲਈ ਲਏ ਕਬਾਬ ਬਣਾ
ਉਮਠੀ ਮੀਟ ਕੇ ਬਹਿ ਗਈ ਲੈਂਦੀ ਉਭੇਸਾਹ
ਕੋਈ ਮੁਸਾਫ਼ਰ ਮਰ ਗਿਆ ਕਿਸੇ ਨਾ ਮਾਰੀ ਢਾਹ
ਕਾਲ਼ੀ ਜਿਹੀ ਇਕ ਇਸਤਰੀ ਖੁੱਲੀ ਸਰਹਾਂਦੀ ਆ
ਵਾਸਤਾ ਘੱਤਾਂ ਰੱਬ ਦਾ ਖੀਵੇ ਸ਼ਹਿਰ ਨਾ ਜਾ
85
ਵੰਝਲ ਦੀ ਮੱਤ
ਚੜ੍ਹਦੇ ਮਿਰਜ਼ੇ ਖ਼ਾਨ ਨੂੰ ਵੰਝਲ ਦਿੰਦਾ ਮੱਤ
ਭੱਠ ਰੰਨਾਂ ਦੀ ਦੋਸਤੀ ਖੁਰੀਂ ਜਿਹਨਾਂ ਦੀ ਮੱਤ
ਹੱਸ ਕੇ ਲਾਵਣ ਯਾਰੀਆਂ ਰੁਕੇ ਦੇਵਨ ਦੱਸ
ਲਿਖੀਂ ਹੱਥ ਨਾ ਆਉਂਦੀ ਦਾਨਸ਼ਮੰਦਾਂ ਦੀ ਮੱਤ
ਝੱਲੀਂ ਚਲਦੇ ਸ਼ੇਰ ਨੂੰ ਕਿਸੇ ਨਾ ਮਾਰੀ ਨੱਥ
ਹੱਥੀਂ ਯਾਰ ਕੋਹਾਨਦੀਆਂ ਦੇ ਛਾਤੀ ਤੇ ਲੱਤ
ਰੀਤੋਂ ਕੋਟ ਨਹੀਂ ਉਸਰੇ ਕੂੜ ਨਾ ਹੁੰਦੇ ਸੱਚ
