146
کلام صوبہ (جہکڑا)
صوبہ ماہنی کُوکیا چڑھ دھنائی بار
نَکا مَلو پیادیو بار مَلو اسوار
نہ کائی بیڑا پے گیا نہ کائی پے گئی دھاڑ
مراں تے پہنو ٹوپیاں لاہ چھڈو دستار
147
نہیں کوئی چِت نہ چیتڑے نہ کوئی سان گمان
نہ سنّھ لگی موریوں پوڑی نہ پڑسانگ
صاحباں مرزا لے گیا رکھی چوتھے اسمان
148
مقولہ شاعر
عیب نہیں ایس گل وچ بندی ہویا چور
کھنڈ رلی وِچ کھیر دے ویکھو اکھ اگھوڑ
ہوئی سی سو ہوئی اے جُھکھن دیو چھوڑ
مستک وُڑھی کلام نوں کیہڑا چھڈی موڑ
149
کلام مرزا
مرزا کرے ملامتاں صاحباں تائیں جاء
کوادو ہون ویہار دے مُورکھ اوہ سدا
بیلے نوں اگ لائیکے ہتھیں کون بُجھا
میہنے سُن کے خبر اوہ ہتھوں مِلسن آ
150
صاحباں دی نصیحت
صاحباں دے نصیحتاں چل اگاہاں تور
ماہنی طاہر خان مت مِلن مجُوھاں جوڑ
چوری کرکے نِیر تَر بیٹھ نہ رہندے چور
کنڈھے اُتے آئیکے آپنا آپ نہ بوڑ
