ڈگری

روزگار دے چکر اندر ہپی بن گئے سارے
سڑکاں اُتے ٹوٹے چھکدے پھر دے مارے مارے

تِن تِن ایم اے کرکے یارو روزگار نہ لبھے
آلو چھولے ستو ویچن سڑکاں اُتے سبھے

اک ایم اے نے لایا یارو سگریٹ دا کھوکھا
سڑکاں اُتے علم وکیندا ، ویلا آگیا اوکھا

ڈگری کاغذ دا اک ٹوٹا کوئی نہ پاوے گھا
دفتر دفتر چکر لایئے لبھے کوئی نہ راہ

پیسہ پیسہ کر اُگراہی جنھوں وی کالج پایا
چونہہ سالیں اوہ ڈگری لے کے روندا گھر نوں آیا