خواباں دی تعبیر میں ویکھاں
جد تیری تصویر میں ویکھاں
جد تیری تصویر۔۔۔..
تیرا مکھ جیوں چن دا چانن
تیریاں گلاں مہکاں جاپن
تیرے حسن دے پرچھاویں
ہر پاسے تنویر میں ویکھاں
جد تیری تصویر۔۔۔۔۔
تیرے نال میں لو لگائی
تیرے جیہا مینوں ہور نہ کائی
ہر پاسے تیرے رنگاں دی میں
دکھری اک تاثیر میں ویکھاں
جد تیری تصویر۔۔۔۔۔
توں آویں تے خوشیاں آون
دل دیاں کلیاں کھڑ کھڑ جاون
تیرے سوہنے روپ دے وچ میں
آپ اپنی تقدیر میں ویکھاں
جد تیری تصویر۔۔۔۔۔
