گوری

گوری بلھاں وچ ہاسا کیہہ ہسیا
پئی نرمے دا کال پئے گیا

گوری نس کے گلی دے وچوں لنگھی
تے منڈیاں دی لائن لگ گئی

گوری پباں پار مارے للکارے
نی دسو کوئی میرے جوڑ دا

گوری نہا کے لئی جاں انگڑائی
عاشقاں دی اے مت وج گئی

گوری لَٹ جد مکھ توں ہٹائی
تے چن وی شیدائی ہو گیا

گوری سج کے چھت تے کیہہ آئی
پنڈ وچ نیر پئے گیا

گوری اکھاں وچ اکھاں کیہ پائیاں
راتاں دی اے نیند اُڈ گئی

تیرے بلھاں اُتوں گوریئے میں واراں
گلاب دیاں لال پتیاں

دتا گوری نیں کیہ دیس نکالا
تے ہنجواں دا ہڑھ آگیا

گوری متھے تے تریلی جدوں پائی
شیشہ چُور چُور ہو گیا