گل کریئے کیہ
گل کردے ہوئے ڈریئے جی
میں چاہواں بھانڈا بھر جاواں
پر جتدا جتدا ہر جاواں
ایہ جیون چار دیہاڑے دا
میں ویکھ کے پچھے ڈر جاواں
گل کریئے کیہ
گل کر دے ہوئے ڈریئے جی
میں جیہڑا سانگ رچایا اے
اس کھوج اوسے دا لایا اے
ہن اوہدے پیار حوالے نال
کجھ اپنا بھرم بنایا اے
گل کریئے کیہ
گل کر دے ہوئے ڈریئے جی
کیہ لینا دنیا داراں توں
میں چنگا دور گنواراں توں
بے مہراں ایہناں یاراں توں
ٹھگاں تے چور بزاراں توں
گل کریئے کیہ
گل کر دے ہوئے ڈریئے جی
میں پگی بازی ہاری اے
میں چُکی گھٹڑی بھاری اے
میں دل دا سودا کر چھڈیا
مینوں ملیا یار بپاری اے
گل کریئے کیہ
گل کر دے ہوئے ڈریئے جی
کیہ تیرا میرا میل سجن
دس تینوں کیہڑی ویہل سجن
ایہ کتھے مینوں گھلیا ای
کیوں مینوں دتی جیل سجن
گل کریئے کیہ
گل کر دے ہوئے ڈریئے جی
