جاگ ! جاگ !
کہ ستیاں پیاں نوں خبر نہ کائی
جاگ جاگ
کہ مویاں نوں موت بلاندی ناہیں
جاگ جاگ
کہ آون والے پلاں دی مستی
خواب سرہانے
کنی دیر
کنی دیر
آپنے ہڑاں نوں روکے گی
جاگ جاگ
کہ ناچ دے بھتیر
لکی چاننی
آپنے درشن دیوے
جاگ جاگ
کہ نچدے پیراں تھلے دھرتی
آپنا آپ ہمیش لئی توڑن آسطے
آپنا آپ لویٹے گی
جاگ جاگ
کہ اخیرلے پل دی ڈھگنی ڈھینی
مرن توں پہلاں
تیری چھاتی لگ کے
رووے گی
جاگ جاگ
جاگ
جاگ
حوالہ: وچ جگراتے سُتی تاہنگ؛ ودیا کتاباں فورلگ؛ صفحہ 31