اکھاں اِنج نہیں بھریاں ہوئیاں

اکھاں اِنج نہیں بھریاں ہوئیاں
ہاسے وچ نیں مریاں ہوئیاں

توں اَدھیاں وی سن نہیں سکدا
میں جِنّیاں نیں جریاں ہوئیاں

چیتر سڑیاں، ساون سُکیاں
فیر کدے نہ ہریاں ہوئیاں

کنج دا دور اے اک دو جی توں
کندھاں وی نیں ڈریاں ہوئیاں

توں جے نہیں تے اوتھے کیہ اے
بھاویں ست سو پریاں ہوئیاں

دو کنڈھیاں دے رولے وچ کئی
ڈُب گئیاں نیں تریاں ہوئیاں

سجناں وانگوں سندھو ساتھوں
سجناں ناں کاریگریاں ہوئیاں