ایہہ پیار نہیں اے
چھوٹی عمرے پیار نہ کر
ایہہ تاں اگ دا لاوا اے
اِس کولوں ڈر
ایہہ پیار نہیں اے
میں تاں عمر دا ادھا
سفر مُکا آیا ہاں
کھڑیاں شوخ بہاراں
کئی ہنڈھا آیا ہاں
ایہہ اُجڑے محلاں دے جھلیے
چھڈ دے در
ایہہ پیار نہیں
چھوٹی عمرے من دا پنچھی
بھٹکے تھاں تھاں
ہر اک گل دا ہار
ایہہ بن کے لٹکے تھاں تھاں
کدے تیراں نال وِن ہووے
کدے جاوے کُھر
ایہہ پیار نہیں
بدل جاوے گی تیری میری
منزل اک دن
بن کے رہ جاواں گا
بیتیا میں پل اک دن
اوہ منزل کیہ منزل
جو نہ ہووے سر
ایہہ پیار نہیں
جذباتی ہو کیتے
وعدے بُھل جاندے نیں
سچ توں وی کئی سچّے لوکیں
رُل جاندے نیں
عمر بتاؤن توں پہلاں
بندہ جاندا مر
ایہہ پیار نہیں
حوالہ: اُداس گلیاں دی داستان؛ صفحہ 42 ( ویکھو )
