دیوا بلے ساری رات
کلیاں دا کیہ جیونا جگ تے
جے نہ بھرے ہنگارا کوئی
نہ کوئی پاوے بات
دیوا بلے ساری رات
بڑے لکایاں درد نہ لُکدے
ودھدے جاندے ایہہ نہیں مُکدے
پیار کرن دا صلہ ایہہ ملیا
درداں دی سوغات
دیوا بلّے ساری رات
عمراں نہ ہُن لنگھدیاں نیں
یاداں دل نوں ڈنگدیاں نیں
ٹُٹے تاریا ایہو ہے سی
بس تیری اوقات
دیوا بلّے ساری رات
آپنے اوہ جسپال رہے نہ
سوس پہلاں جیہے حال رہے نہ
ہاسیاں دی تھاں رہندی اے ہُن
ہنجواں دی برسات
دیوا بلّے ساری رات
حوالہ: اُداس گلیاں دی داستان؛ صفحہ 45 ( ویکھو )
