کس نے سورج کھوہیا میرے محلاں دا
پتاپتا رویا میرے محلاں دا
حق تے انصاف نے
ہاڑھے کڈھے نیں
جس وی خون ہے چویا
میرے محلاں دا
ڈھاؤن پئے محلاں دے
وارث محلاں نوں
لبھن ساہ لکویا
میرے محلاں دا
جد جد وی طوفان
جنونی آیا اے
سیس قتل ہے ہویا
میرے محلاں دا
رت پیاسے کیہڑے
جابر ظالم نے
پُھل جیہا دل کوہیا
میرے محلاں دا
باغاں نے بنجر ہی
بننا مالی بِن
راکھا سوس کھلویا
میرے محلاں دا
حوالہ: اُداس گلیاں دی داستان؛ صفحہ 61 ( ویکھو )
