مِتّر پیارے نوں

مِتّر پیارے نوں
ساڈا دس دیو جا کے حال
اسیں رُل گئے ہاں
لکھاں سنگ تُل گئے ہاں
اسیں حالوں ہوئے بے حال
مِتر پیارے نوں، ساڈا دس دیو جا کے حال

اوہنوں دسنا اوہدے باجھوں
ساتوں جی نہیں ہوندا
اینا ڈُب گئے وچ اداسی
صبر گُھٹ پی نہیں ہوندا
بہاراں دُور تُر گئیاں
پیڑاں بس رہندیاں نیں نال
مِتّر پیارے۔۔۔

اکھاں وچ خون دے اتھرو
یاداں بن بن بہہ رہے نیں
آوازاں مار دے اوہنوں
آ مل جا کہہ رہے نیں
ہے سبھ کجھ ہو گیا کھیروں
زندگی بن گئی اک سوال
مِتّر پیارے۔۔۔

جدوں راہواں دے ول ویکھاں
تاں راہواں کھان نوں آون
جیہناں وچ اوہنوں پھڑ دا سی
باہواں کھان نوں آون
یڑاں دے نال لڑاں گے
زندگی دے جو رہندے سال
مِتّر پیارے۔۔۔

ہے منزل نال اوہدے سی
اگّے نوں جا نہیں ہوندا
ایداں ڈُب گئے وچ اداسی
چِت پر چا نہیں ہوندا
زندگی کی ہے سی اک دن
کیہ توں کیہ ہو گئی جسپال
مِتّر پیارے۔۔۔

حوالہ: اُداس گلیاں دی داستان؛ صفحہ 103 ( ویکھو )