دُکھاں دی شاہکار، کہانی پھیر کہواں گا

دُکھاں دی شاہکار، کہانی پھیر کہواں گا
مِل گئے جے غم خوار، کہانی پھیر کہواں گا

نِکّی عمرے دُکھڑے سُننا چنگا نیہوں
کھیڈ لوو دن چار، کہانی پھیر کہواں گا

گردن دے وچ سریا جس دے رہندا سی
پِھر دا اے لاچار، کہانی پھیر کہواں گا

جس دی خاطر دُھپاں، پالے جر دیاں گزری
چھڈ گیا اوہ یار، کہانی پھیر کہواں گا

اُنج تے سونہاں ساں میں اُٹھدیاں لہراں دا وی
کِنج ڈُبیا وچکار، کہانی پھیر کہواں گا

اوڑک پرت کے اوہنے واپس سدّنا ہے تے
عارف اُس دربار، کہانی پھیر کہواں گا

حوالہ: اتھرو آپ دلیلاں؛ صفحہ 139