قد میں لگ کے اپنے دُکھ سناون نوں جی کردا اے کملی والیا! شہر مدینے آون نوں جی کردا اے سڑدا رہندا ساں پر اک دن سیرت آپ دی پڑھ لئی سی اُس دن دا ای اپنے دُکھ ودھاون نوں جی کردا اے کلّم کلّا لکھاں بُت پرستاں اگّے ڈٹیا جو رب دا وی تے اوہدیاں قسماں کھون نوں جی کردا اے جیہڑا رستہ آپ نے دسیا، منیا ایڈا سوکھا نہیں جان دی بازی لا کے فرض نبھاون نو جی کردا اے اُنج تے لکھاں منن والے جنت دے وچ جاون گے آپ دی سنگت دے وچ اوتھے جاون نوں جی کردا اے طائف دے وچ جنہاں جُتیاں دے وچ رتّاں ڈگیاں سن اوہو جوڑے عارف سر تے چاون نوں جی کردا اے
