پیار دے بدلے وکھری جہی سوغات ملی ہجر ہلونے تے ایہہ کالی رات ملی کنّے سوہنے دل تے دستک دیندے رہے دل دے اندر اکو اوہدی ذات ملی سولی چڑھ گئے پھیر کِتے آں منّے گئے ایویں تے نہیں سانوں ایہہ اوقات ملی چسکے لے لے گلیاں وچ بدنام کرے دشمن نوںن ایہہ کیویں ساری بات ملی مُڑ آئے ساں، اوہدی گل ای رہ جاوے ایویں تے نہیں سجن سانوں مات ملی یاداں دی ایہہ کھیتی عارف کیوں سُکدی اکھاں تھانی رج کے تے برسات ملی
