محل اُساریا سنگ مرمر دا گھر بنا نہیں سکیا

محل اُساریا سنگ مرمر دا گھر بنا نہیں سکیا
سُکا باغ اگایا پر میں مینہہ برسا نہیں سکیا

اک اک کرکے سارے ویری مار مکائے باہروں
گھر دے اندروں پر میں اپنا ویر مکا نہیں سکیا

چار چفیریوں چلے تیر نشانے تے نہیں لگے
پر اوہ نظراں دے تیراں توں دل بچا نہیں سکیا

اوہ پتھر دل منیاں ہی نہیں لکھ منایا اوہنوں
رو رو ربّ منا لیا پر میں یار منا نہیں سکیا

جس تے مان 'جنید' کراں میں جسدے ناز اٹھاواں
اج تیکر میں ایسا سوہنا بتّ بنا نہیں سکیا