جداں رُکھ دا جیون ہُندا دُھپاں تے چھاواں دے نام میرا ادھا جیون تیرا باقی کویتاواں دے نام چھوہن چھہائی کردے کردے برکھ دوآلے گُھمے آپاں سبھ کجھ تیرا، سبھ کجھ میرا اوہناں کجھ لاواں دے نام نہ پوتے نہ دوہتے پرتے نہ پردیسوں، دھیاں پُتر سِرناویں تے پُجے ڈالر ادھموئیاں ماواں دے نام دنیاں گُھم کے مُڑ آواں گا ماں چرنیں تے تیرے کول دنیاں دی ساری گولائی ایہناں دونہہ تھاواں دے نام جیون دا ایہہ مکھڑا پینڈا تپدے تھل، پیراں دے چھالے تیرے توں میرے تک آئیاں چاننیاں راہواں دے نام
