Meda ishq vi tu meda yaar vi tu
Meda deen vi tu imaan vi tu
Meda jism vi tu meda rooh vi tu
Meda qalb vi tu jind jaan vi tu
Meda kaaba qibla masjid mandir
Musahf te quran vi tu
Mede farz fareeze haj zakatan
Saum salaat zakat vi tu
Medi zuhd ibadat itaa'at taqwa
Ilm vi tu irfan vi tu
Meda zikar vi tu meda fikar vi tu
Meda zauq vi tu wajdan vi tu
Meda sanwal mithra sham salona
Mann mohan jannan vi tu
Meda murshid hadi peer tareeqat
Sheikh haqaaiq daan vi tu
Medi aas umeed te khattya wattya
Takiya maan taran vi tu
Meda dharam vi tu meda bharam vi tu
Meda sharam vi tu meda shan vi tu
Meda dukh sukh rocan khilan vi tu
Meda dard vi tu darmaan vi tu
Meda khushiyan da asbab vi tu
Mede soolan da asbab vi tu
Meda husn te bhag suhag vi tu
Meda bakhat te naam nishan vi tu
Meda dekhan bhaalan jachan jochan
Samjhan jaan sunjaan vi tu
Mede thadre saah te mojh mojhari
Hanjhrron de tofan vi tu
Mede tilk talwe sendhan mangan
Naaz nahure taan vi tu
Medi mehndi kajal masag vi tu
Medi surkhi beerra paan vi tu
Medi vehshat josh janoon vi tu
Meda girya aah faghan vi tu
Meda sher arooz qawafi tu
Meda beher vi tu auzaan vi tu
Meda aval akhir andar bahir
Zahir te pinhaan vi tu
Meda farda te deroz vi tu
Al-yaum vi tu alaan vi tu
Meda badal barkha khamniyan gaajan
Barish te baraan vi tu
Meda mulk maler te maru thalrra
Rohi cholisatan vi tu
Je yaar Faird vabol kare
Sarkar vi tu sultan vi tu
Na taan kamtar kehtar adnaa
Laashe la-imkan vi tu