تاں وَت اج
اِس گھر دیاں اِٹّاں وِچوں
مینڈے تھکے ہوئے ساہ لبھ
تے مینڈے سینے اُتے پُھوک
جے سالاں توں کِھڑے پُھل پھاہے لگن
اِس گھر دیاں کندھاں اُتوں
مینڈے منڈیپے دیاں
کچیاں خاباں دا پلستر پٹ
جے اِٹّاں وِچوں
ڈھبوکاں دی زہری کھکّھر ازاد ہووے
تاں وَت اج
اِس گلی وِچ ونجائے
ہاسیاں دا حساب کرکے
اساڈے پہلے عشق دے اخیرلے ہنجوواں دی
ادھ کیتی گنتی پوری کر
نی ویاہیاں اکھاں آلیے !
اس گھر دے بُڈھڑے بُوہے اُتے
حالاں تائیں کھیڈ دی
مینڈیاں کنبدیاں ہتھاں دی
پولڑی واج
مانہہ پرتا کے شہر چھڈیں!
