تینڈا بُڈھڑا ماس کجیندا تینڈی کھونڈی روز کھولیندی بُوہے سورج دے تینڈی اکھ جنگلاں دی بوٹی ساڈے دل رنگے تینڈی وا ساڈا سرناواں ساڈے سِر کجے تینڈی کنکاں روٹی ہوئیاں ساڈے چُلھے تے تینڈے پانی نور کِھلارے نانک بُلھے تے تینڈی بھیڈاں گھر نہیں آئیاں شاماں ہوئیاں نیں تینڈے خالی رہ گئے بھانڈے مجھاں روئیاں نیں تینڈے بیلے کنڈے کانے ہوئے گھاہ وڈے تینڈے ویڑھے پُھلوں وانجے درداں دل گڈے تینڈا ودھدا رہوے چانن اسیں مُک گئے آں تینڈی وگدی رہوے راوی اسیں سُک گئے آں وَت کون گڈیسی کنکاں کیہڑا رنگ رنگے وَت کون مہٹر جمسی جیویں توں جمے!
