میرے دو جیون ہین
پر مینوں کوئی نہیں قبول دا
میں جتھے رہاں، مینوں جلا وطن بن کے رہنا ہندا اے
میں سمے دا قاتل ہاں
جدوں میں سمے دی ہک آدرش دے چُھڑے نال
وِنھ دتی
سماں کھلر گیا
تے ہن میں ایس کھلر دے سمے تے ٹوٹیاں چ
اپنے لکھاں عکس تکدیاں
اپنے آپ توں پُچھ رہیاں
کہ میری ہوند نوں کھلارن والا ہتھ کیہڑا سی
مینوں تے میرے دوویں ہتھ خون چ لبڑے دسدے ہن
اوہ وی جیہے چھڑا الاریا سی تے اوہ وی جیہنے ودھ کے
اوہدے وار نوں روکیا نہ
تے جہدی ہوند کھلر گئی ہووے
تے جیہڑا ٹوٹے ٹوٹے ہویا ہر پاسے پیا ہووے
اوہ کتھے ہندا اے
میں کتھے ہاں
