تیرے قول قرار آں کیتے تیرے آون دے ہوگئے ویلے کن فیکون دے رولے گولے جیہڑا تیرا چھلا ساتھوں گُھس ونجیا سی ساڈی بھال تے زاری کیتے لبھ گھنیا اے توں دسیا سی، تد توں آسیں جد جنت تے دوزخ ہک ناک جوڑ کے اک ہو جاسن جد دریا دو دو کنڈھے جپھی گھتسن دھرت ہنیر دے لاکھے پنڈے، اک چواتی لہندیاں چڑھدا چانن کرسی لوڑاں تھوڑا باندھیاں دی تھاں توں خود اپنے ہتھیں ونڈسیں دھوں بھکھی گھسمیلی واوچ تیری بڑک اساڈے بوہے آئی ہے خوشبوئی وانگر گھریں ایانے ہاسیاں اندر تیرے شگناں دی تیاری
