اینے ڈر نیں دنیا اُتے راتاں نوں وی سوندے نئیں

اینے ڈر نیں دنیا اُتے راتاں نوں وی سوندے نئیں
اک دوجے دا منہ ویہندے نیں، ویہندے نیں تے رووندے نئیں

سارا دن ہی لنگھ جاندا اے اپنے حصے جوڑن وچ
ادھے کِھلرے لبھ جاندے نیں، باقی ادھے ہوندے نئیں

کمرے خالی کردے اپنا اندر خالی کر بیٹھے آں
ہُن پاویں کوئی تھاں نہ ہووے گھر دے بوہے ڈھوہندے نئیں

ویلا کُنبہ نالے لوکی جناں لبھے کھا جاندے نیں
ماپے پلیوں نہ وی لاون گھٹ و گھٹ او کھوہندے نئیں

سُتے ہویاں جیہڑے سُفنے اکھاں اگے بلدے نیں
خورے کتھے رہ جاندے نیں تاہیوں چانن پاوندے نئیں