دے ہوا دا جیون سانوں
سدا کھوج وچ رہیئے
ہر دم طلب سجّن دی کریئے
ٹھنڈے کدی نہ پئیے
جنگل گاہیئے، ریتڑ واہیئے
نال پہاڑاں کھہیئے
اکو ساہے بھجدے جائیے
کسے پڑا نہ لئیّے
ویکھ ملائم سیج پُھلّاں دی
دھرنا مار نہ بہیئے
سَو رنگاں دے وِچّوں لنگھ کے
پھیر وی بے رنگ رہیئے
جے کوئی بلبل ہاکاں مارے
کنّ وچ اُنگلاں دئیے
جے کوئی کنڈا پلّہ پکڑے
چھنڈیئے تے نسّ پئیے
دے ہوا دا جیون سانوں
سدا کھوج وچ رہیئے
حوالہ: کتاب: ساوے پتر