کہے تکّ بیٹھا میں نین،
جے جاگاں میرے نال ہی جاگن،
سواں تے نال ہی سین
جد دا ہویا سنگ نیناں دا
لُوں لُوں چڑھیا رنگ نیناں دا
ایہناں نیناں دے رنگ کدے نہ لیہن
نین تکانے قسمت وس دے،
نین بُھلانے کسے نہ وس دے،
میرے ہر دم ساہویں ریہن
اس دنیا ول واگ جے موڑاں،
اس دنیا ول دھیان جے جوڑاں،
ایہہ نین وچالے پین
نہ ڈِٹھا زاہداں ناہیں سیانیاں،
رَتّا ماسہ کجھ کویاں سنجانیاں،
جو نین نیناں نوں کیہن
نین آلھنے نین پنکھیرو،
نین نیناں وچ رہن،
کہے تکّ بیٹھا میں نین
حوالہ: کتاب: ساوے پتر