جہڑا رسول پاک توں قربان ہو گیا

جہڑا رسول پاک توں قربان ہو گیا
سمجھو اوہدی نجات دا سامان ہو گیا

میرے نبی دے نُور دا ہویا جدوں ظہور
میرا خدا دی ذات تے ایمان ہو گیا

کردے نیں رشک ویکھ کے سارے ملائکہ
جبرائیل کملی والے دا دربان ہو گیا

راضی گنہگار تے ہو جائے گا خدا
راضی جے دو جہان دا سلطان ہو گیا

آئی اخیر وقت جدوں مصطفے دی یاد
مر جانا میرے واسطے آسان ہو گیا

جس نوں ملی ظہوری محبت حضورؑ دی
اللہ دا فضل اوہدا نگہبان ہو گیا