ساڈی جھولی وچہ رحمت دا خزینہ آگیا

ساڈی جھولی وچہ رحمت دا خزینہ آگیا
میرے آقا دی ولادت دا مہینہ آ گیا

جس گھڑی دنیا تے آئے رحمة اللعالمین
ڈِگ پئے بُت کُفر دے مُنہ تے پسینہ آگیا

ہُن یتیماں تے غریباں دی خدا نے سُن لئی
بیکساں دا اج کنارے تے سفینہ آگیا

جہڑی انگھوٹھی رسالت دی سی مُرسل پاؤندے
اوہدے وچہ ختم نبوت دا نگینہ آ گیا

میری ساری زندگانی دا اے حاصل اوہ گھڑی
جہڑے ویلے سامنے میرے مدینہ آ گیا

کملی والے دی ثنا خوانی دیاں ایہہ برکتاں
شعر آکھن دا ظہوری نوں قرینہ آ گیا