اسماناں توں تارے ڈھو لئے
یاراں مکھ چبارے ڈھو لئے
تیرے یار نفع دی خاطر
میں تے گھر خسارے ڈھو لئے
روندے بال کھڈاون دے لئی
گھگو چار ادھارے ڈھو لئے
سوں جا لعل میرے توں سوں جا
قاتل بم ہزارے ڈھو لئے
ویکھ عجائب خانہ بھائیا
موئے ہڈ بزارے ڈھو لئے
وعدہ توڑ نبھائیں حاکم
تیری من پیارے ڈھو لئے
سانوں پیڑ زرا نئیں ہوندی
تاہیوں تن لوہارے ڈھو لئے
کتھوں لبھ لیاون ماپے
کہڑے دیس کنوارے ڈھو لئے
مینوں یار ویکھالا ہویا
میرے ہوش ہلارے ڈھو لئے
اونیں ما ر کبوتر چھڈے
میں جا کل غبارے ڈھو لئے
