بیری نوں ہر تھاں روڑے وجدے دیکھے نیں

بیری نوں ہر تھاں روڑے وجدے دیکھے نیں
لگر لگر تے بیٹھے طوطے رجدے ویکھے نیں

پھل دار بُوٹے ہر ویلے رونا روندے نیں
ظالم دے ہتھ ڈور ظلم لئی بھجدے ویکھے نیں

اِٹاں وٹے کھا کے وی اوہ چھاں دیوے
ویلے دے سب رنگ نرالے سجدے ویکھے نیں

خزاں دے ویلے کوئی نہیں اوہناں کول کھلوندا
بہار آون تے سب شکاری گجدے ویکھے نیں

جیویں کسے دی واہ لگے اوہ لا لیندا
بیتے ہوئے ویلے نوں اوہ کجدے ویکھے نیں

غم نہیں پِچھا چھڈدا یوسف اوہدوں تیکر
سک کے ڈھینگر ہوندے ٹہن بھجدے ویکھے نیں

محمد یوسف دی ہور شاعری

• ⟩  اداسی دل چ بیٹھا کے سوچاں سوچدا رہنا
• ⟩  ایہہ گھر میرا گھر نہیں لگدا
• ⟩  بندہ جے کر بُھلے نہ اوقاتاں نوں
• ⟩  بِن خوفوں جیہڑا جابر اگے مونہہ کھولے گا
• ⟩  بیری نوں ہر تھاں روڑے وجدے دیکھے نیں
• ⟩  تاڑی مار اُڈانا کیوں سانوں چاہندے او
• ⟩  خورے کیہڑے جد دا ویر کمایا جگ نے
• ⟩  زمانے دیاں کیتیاں وفاواں سبھے یاد نیں
• ⟩  زمین پاک ایہنوں پاک رہن دیو
• ⟩  شرارت ہُن کسے دی چلن نہیں دیاں گے
• ⟩  محمد یوسف دی ساری شاعری