گَلمیوں پھَدھیوس آن تے شیشہ بول پیا
میں بَنیا انجان تے شیشہ بول پیا
میں کڑمے نوں ساریاں گلاں دس بیٹھا
شیشے وچ ہائی جان تے شیشہ بول پیا
اوہ دھمی دا شیشے ساہنویں بیٹھا ہا
اُٹھ کے لگّا جان تے شیشہ بول پیا
اکھاں نیں ہنجواں دے بُندے لاہ سٹے
گلہاں رنگ وٹان، تے شیشہ بول پیا
گڈی چوں لاہور نظر پیا اوندا سی
دل وچ ہا ملتان تے شیشہ بول پیا
میں شیشہ پَرتا کے ویکھُو ہا عالم
میں لگّا پَرتان تے شیشہ بول پیا
