اِکو گل نوں پھڑ کے بیٹھا ہویا سی
رب آدم نال لڑ کے بیٹھا ہویا سی
توں تاں آکے لوواں نوں اگ لانی سی
اندروں تے میں سڑ کے بیٹھا ہویا سی
نوِیں سواری کی جانے اس سیٹ اُتے
کِناں چِر میں کھڑ کے بیٹھا ہویا سی
شام نوں اوہ پیراں نال ہُجھی آؤندا ہا
دینہہ موڈھے تے چڑھ کے بیٹھا ہویا سی
وال وی مدھے ہوئے نئیں سن سینے دے
رب وی اندر وڑ کے بیٹھا ہویا سی
اوس وی چِٹے سوٹ وِچ آؤنا ہا عالم
میں وی کلمہ پڑھ کے بیٹھا ہویا سی
