پانی لے کے سفنے دا تے وچ تعبیراں کھول
مٹھا اے کہ کھٹا شربت، راز حقیقت کھول
کوڑے لو نے ورت کے اکھر مِٹھی غزل بنا
موہاں تے نے چڑھن نوں ترسے ماں بولی دے بول
باغاں دے وچ رنگ رنگیلے موسم دی مسکان
پُھلاں نوں وی تتلی آکھے توں وی تے کجھ بول
قسمت مینوں کیس بزارے سلیا آن لیا
جتھے اپنے آپ نوں ویچاں رتی رتی تول
وہم میرے دے اوکھے پینڈے لگی اے ترحیا
کھوہ مِٹھا اے یاداں بھریا، پیواں بھر بھر ڈول
سفنے دے وچ لکھاں موتی میں وی دواں اُگا
اس دی اے تعبیر منور اِٹاں وٹے رول
