اَج تک میرے گھر وِچ چانن
اِک وی جھات نہ ماری
آن رکی نئیں اِک پَل اوتھے
سورج دی اسواری
ڈوریاں کندھاں گُنگے بُوہے
چُپ راہواں، بند باری
جونکاں بن کے خون نچوڑن
بے رونق دُکھ میرے
چل ٹُر چل گھر میرے
اِک میں سو انجانے دُکھ
اِک دِیوا تیل نہ کھٹیا
اک میرا دل رِیجھاں بھریا
بے قدری دا کھٹیا
اپنے گھر وِچ رونق بھر لاں
شوق دلیلوں اُٹھیا
لاٹ حُسن تیری دی پوجے
چانن چار چوفیرے
چل ٹُر چل گھر میرے
تیری صورت ایویں کر لگدی
دل نوں ویکھی بھالی
اپنی کُنڈی آ کھڑکاوے
جئیوں کر کوئی سوالی
خوشیاں بھرن بھڑولے
ہوون مَٹ وختاں دے خالی
راتاں چانن بھریاں ہوون
خوشیاں بھرے سویرے
اَج تک اِنج نئی ہوئیا
بھاویں کِیتے جتن بتھیرے
چل ٹُر چل گھر میرے
