ڑھتی لئی کھجور دی
ڈاچی ہوئے سوار
ہیٹھاں ریت، اسمانی تارے
ہتھ ننگی تلوار
ڈاہڈیاں دے نال دُشمنی
ماڑیاں دے نال پیار
روٹی کھاہدی کنک دی
کیتی پار چَنہاں
جِتھے قبراں بوہتیاں
اوتھے وَڈھے گَراں
ظُلم کمائے کوہجیاں
رب سوہنے دا ناں
وِہسکی پِیتی رَج کے
گَلیاں بُھل گئے
دِل دے بُوہے نوں کھڑکایا
کُھنے کُھل گئے
موتی ڈھل کے اکھاں چوں
مِٹی رُل گئے
اُلّی لا لئی جِیب نُوں
منہ وِچ رہ گئے دَند
سوچ نوں جَندرا ماریا
اکھیاں کِیتیاں بند
اندر جھاڑو پھیریا
باہر سُٹیا گند
ظالم ہتھ بہبود اے
قاتل کول فلاح
ڈُبدے کنڈھیاں کولوں پُچھے
محمد علی جناح
کِدھر گئیاں بیڑیاں
کِدھر گئے ملاح
