زرداری زندہ باد

جمعے والا دن
صبح صبح تڑکے
لے آیا گامو مچھی راوی وچوں پھڑ کے
دو کلو وزن دی تے مچھی واوا پلی سی
رب جانے کھگا سی رہُو سی یا ملہی سی
گامو کیہڑا مچھیاں دی نسلاں نوں جاندا
اللّہ ولوں پھڑی گئی سواد لینا کھان دا
پھڑ کے تے مچھی گامُو بُوہا جدوں لنگھیا
تاء دِتا مُچھاں نوں تے مٹھا مٹھا کھنگیا
کہن لگا بیگم نوں کہ چھیتی چھیتی کروئی
اج مچھی سوہنئیے کراری جیہی دھر وئی
سن کے تے بیگم اوہدی گل اوہدے پے گئی
جانے اکو ساہے کی کُجھ کہہ گئی
وے کلّی سُکی مچھی وے تو میرے متھے ماری اُو
لوڑ دی تے گھروں چیز مُکّی پئی ساری اُو
نہ گھر مِرچاں نہ گھیو تے نہ گنڈے وے
نہ گھر گیس نہ پاتھیاں نہ ڈنڈے وے
گوگیا گامُو گھروں غصے نال اُٹھیا
جتھوں سی لیاؤندی مچھی اوتھے جا سُٹیا
مچھی نعرہ ماریا ہوکے ازاد اے
زرداری زندہ باد
وئی زرداری زندہ باد