سیالے وچ گیت

ایہہ نیلی رات سیالے دی
وچ وِرلا وِرلا تارا اے
لو ٹھنڈی تھکیاں امبراں دی
دِل بدلاں وانگوں بھارا اے
ایہہ نیلی رات سیالے دی

سُنج گلیاں، باریاں بُجھ گئیاں
جیہڑی آکھن گئے سو نہیں کرنی
پر پھول سواہ دی ڈھیری نوں
اگ اپنے اندر چا بھرنی
ایہہ نیلی رات سیالے دی

چُپ ٹھارے ایس بغیچے نوں
سِک اُس دی اے جِس آؤنا نہیں
جو گیت ہنیرے وچ بلدا
اسیں سُنیا اے کِسے گاؤنا نہیں
ایہہ نیلی رات سیالے دی

وا آپنا بھیت نہیں دیندی
جیہڑی چھتاں اُپر کنبدی اے
اِک چیک پکھیرو دی باہروں
ساڈا بُوہا بھن بھن ہنبدی اے
ایہہ نیلی رات سیالے دی

حوالہ: تاء، مشتاق صوفی؛ سانجھ لاہور 2008؛ صفحہ 113 ( ویکھو )