ملی نغمہ

سونہہ تیری او دیس پیاریا
توں ایویں تے نئیں مہکاریا
جگ جانے تینوں جِتیا اے
پُرکھاں نے ساہواں ہار دیاں
سونہہ تیری او دیس پیاریا
کلمے تے تیریاں بنیاداں
میں ایسے لئی تے آزاد آں
میں راکھا تیرے بھرماں دا
میں دشمن نوں وی پیار دیاں
سونہہ تیری او دیس پیاریا
انگ تیرےسونے ورگے نیں
ڈکّے وی پونے ورگے نیں
ککھ کاناں تیرے کنڈیاں توں
پھلاں دیاں نسلاں وار دیاں
سونہہ تیری او دیس پیاریا
چن سورج ساہ دل تارا ایں
توں قدرت دا شاہ پارا ایں
توں پیوورگا دھی پت ورگا
ماں سمجھاں سوچ وچار دیاں
سونہہ تیری او دیس پیاریا
توں جگ تے امن سنیہڑا ایں
توں سب دا سانجھا ویہڑا ایں
میں تینوں ٹھنڈی چھاں لکھناں
چئے دھپ وچ بیٹھ گزار دیاں
سونہہ تیری او دیس پیاریا

مصطفٰی انور دی ہور شاعری

• ⟩  اندر دی تے اگ ندیدی ٹھاری گئی
• ⟩  اِیسی مَچھری دل دی پِیڑ پرانی رات
• ⟩  دُھپ دا کجھ اندازہ لائیے
• ⟩  سوچ ریا واں کینے میری جُوہ دے تخت سنبھالے
• ⟩  ملی نغمہ
• ⟩  نویں سال دی نذر
• ⟩  ویکھ ریاں گَل گَل تے متھے گھوری پیندی
• ⟩  پولے پولے مِٹدے نقش اگھیڑے نیں
• ⟩  پکے وعدے کُوڑے لارے نکلے نیں
• ⟩  کیندا سی نا تیرے باہجوں جی نہیں لگدا
• ⟩  مصطفٰی انور دی ساری شاعری