کلّام کلّا کیہ کردا میں
دل سی جھلّا کیہ کردا میں
دل دے اندر کھوٹ بڑے سن
اللہ اللہ کیہ کردا میں
دَسُو ہاڑھ دے سورج اگّے
بانہہ دا ٹھلّا کیہ کردا میں
ساری عمراں مونہ وچ بُرکی
سر وچ کَھلّا کیہ کردا میں
میں ساں اک مزدور تے بھکھا
سارا ٹلّہ کیہ کردا میں
توں جے میرا نئیں بنیا تے
مُندری چھلّا کیہ کردا میں
.................
کتاب: تیرا ہجر گلاب جیہا
صفحہ: 50
حوالہ: تیرا ہجر گلاب جیہا، نصیر بلوچ؛ مجلس پنجابی ادب فیصل آباد؛ صفحہ 50 ( ویکھو )
