مینوں پورے دیس دی چنتا، اوہنوں خطرہ گھر دا اے

مینوں پورے دیس دی چنتا، اوہنوں خطرہ گھر دا اے ٹوٹے کر کے جہڑا شیشہ کندھاں دے وچ بھردا اے بھکھیاں وانگوں سورج وی سرمایہ دار توں ڈر دا اے جھگیاں نالوں پہلاں چانن محلاں اُتے کردا اے اُس بندے دی تنہائی داتینوں کیہ اندازہ اے آپے گلاں کردا جہڑا آپ ہنگارے بھر دا اے اوہدے نال نبھانی پے گئی ویلے دی مجبوری اے گل گل نال وگڑ دا جہڑا گل گل نال سنور دا اے تھوڑے پانی ہووے کنڈھے سینہ تان کھلوندے نیں ایدھر اودھر والا کنڈھا طوفاناں توں ڈر دا اے ہارے نوں ہیرا کہندے نیں ایہ پر گل اے اوہدے لئی جہڑا بازی جِت سکدا اے، سجناں پچھے ہردا اے