جھڑکاں کھاندے بے قصورے رہِ گئے نے

جھڑکاں کھاندے بے قصورے رہِ گئے نے
جاں بستی وچ جی حضورے رہِ گئے نے

نیند نہ آئی بھکھا دیکھ پڑوسی نوں،
میرے سارے خواب ادھورے رہ گئے نے

لائن بڑی ہے راشن مکن والا ہے،
خاصے بندے میرے موہرے رہِ گئے نے

چھانگ دتے نے سبھ دے جسے نشیاں نے،
ثابت کجھ جودھے کجھ سورے رہ گئے نے

آبادی نے دور نسایا سپاں نوں،
گلیاں دے وچ کھنج کھنجورے رہ گئے نے

جد توں کوئلاں دی تھاں کاواں ملی ہے،
باغاں دے وچ صرف دھتورے رہِ گئے نے

چھانا لا کے سکھیئے لے گئے سکھاں نوں،
دکھیاں کول دکھاں دے بورے رہ گئے نے

چور چرا کے لے گئے مال محلے دا،
راکھے چکی بیٹھے حورے رہ گئے نے

لمبیاں باہاں والے گھمن سڑکاں 'تے،
اندر بیٹھے نور غفورے رہِ گئے نے