اوہ چاہندا اے چن دے وانگوں اکو رستے ٹُردا جاواں

اوہ چاہندا اے چن دے وانگوں اکو رستے تردا جاواں
پر من لوچے بَھورے وانگوں ہر پُھلّ اُتے پیر ٹکاواں

اس دھرتی تے کراں وسیبا سورج روز جدھر دی لنگھے،
پتہ نہیں کیوں سجن میرا بھلّ گیا ایدھر دیاں راہواں

دانہ پانی چگنوں ویہلا ہو کے جد وی گھر نوں آویں،
سُکھ سنیہا لیندا آویں دور وَسے سجّن دا کاواں

زلف گھٹاواں دے اوہلے وچ تاریاں وانگوں چھپ نہ جاویں،
ایڈے وایو منڈل دے وچ چھانوں کلا کنج خلاواں

فکر کدے نہ دیوا کردا جگ دے گھپّ ہنیرے والا،
جتھے وی مالک دھر دیوے اوتھے روشن کردا تھاواں

وانگ گھٹاواں توں مہراں دی کن من کن من کردا جاویں،
ایہہ میری قسمت ہے بھاویں سبز رہاں، سُکاں، کملاواں

اوس حیاتی دا کی جینا جیہڑی من نوں سُکھ نہ دیوے،
تاہیؤں ہر اک سال گھٹن دی لوکاں نوں سدّ خوشی مناواں

افراتفری دے موسم وچ کوئی میری منزل دسے'
بھیڑ بھڑکے دے وچ بھلّ گیاں اپنے گھر دا سرناواں

'نور' چُراسی دے دنگیاں 'تے رونا تاں جائز ہے ایپر،
اگلے سمیاں بارے سوچو بِیتن نہ مڑ ایہہ گھٹناواں