عاشق مرد سدا متوالے
جنہاں پیتے پریم پیالے
ایپر اگّ عشقَ دی جالے
جیوں دیپک پروانے نی
عاشق ہر حال دیوانے نی
جاون گلی محبوباں والی
تن من کُھدیوں کرکے خالی
ویکھن صورت والی والی
ویکھ ویکھ مستانے نی
عاشق ہر حال دیوانے نی
جدھر دیکھن اودھر جانی
جیوں اک سوت ہوئی بہو تانی
سبھ ترنگاں اندر پانی
بیجوں برچھ سیانے نی
عاشق ہر حال دیوانے نی
مکے نوں ناہی وہ جاون
گنگا کاشی قدم نہ پاون
نہ کچھ پوجن ناہی پجاون
نہ کچھ دین ایمانے نی
عاشق ہر حال دیوانے نی
عاشق ذات پات نہ جانن
مایہ دولت ناہی سیانن
شرا مذہب کوئی نہ مانن
دلبر پر قربانے نی
عاشق ہر حال دیوانے نی
عشقے وچ نہ ذات صفات
سورج پاس کہاں دن رات
لوک کی جانن اسدی بات
مارن جھوٹھے طعنے نی
عاشق ہر حال دیوانے نی
ساچو کہیئے تاں کھلّ لہائیے
کہنو بھی کیسے ہٹ جائیے
ہندو اندھے سبھ سنائیے
تے ایہہ مصلّے کانے نی
عاشق ہر حال دیوانے نی
دیکھ پکھنڈی سیس نواون
ساچے نوں پھڑ دار چڑاون
نہ کچھ سوچن ظلم کماون
کافر سادھ ملانے نی
عاشق ہر حال دیوانے نی
عاشق مے ہک مے ہک کردے
سولی ساروں مول نہ ڈردے
پیر کٹاری اوپر دھردے
جان بوجھ انجانے نی
عاشق ہر حال دیوانے نی
جتھے عشقَ ہوریں چل آئے
اوتھوں شرم حیاؤ اٹھائے
نرک سُرگ دے خوف گوائے
تے کیا راجے رانے نی
عاشق ہر حال دیوانے نی
کے تو پھردے بیچ اجاڑاں
کے جا ڈیرہ کرن پہاڑاں
کے کھیلن سنگ سندر ناراں
بھور جویں بُستانے نی
عاشق ہر حال دیوانے نی
کے تو ہوون حال امیراں
کے تو اپر پاٹی لیراں
کے تو منجا ہیٹھ کریراں
کے وچ محل مکانے نی
عاشق ہر حال دیوانے نی
کے تو ہسن کھیڈن گاون
کے تو لامبے پاؤں پھیلاون
کے چپ کے بہو شور مچاون
کے دانے پردھانے نی
عاشق ہر حال دیوانے نی
کے تو بید قراناں پڑھدے
کے جا چودیں طبقیں وڑدے
کے جا اوس جگہ پر چڑدے
جتھے بند زبانے نی
عاشق ہر حال دیوانے نی
عشقے والی چال نیاری
جیوں کر کھیلے کھیل مداری
انکو ورلا لکھے لکھاری
دیکھت لوک حیرانے نی
عاشق ہر حال دیوانے نی
پال سنگھ جے آپ گواویں
تاں توں بھید عشق دا پاویں
جانی مل جانی ہو جاویں
جسدے ایہہ سبھ بھانے نی
عاشق ہر حال دیوانے نی
