اسیں لڑاں گے ساتھی

اسیں لڑاں گے ساتھی, اُداس موسم لئی
اسیں لڑاں گے ساتھی، غلام سدھراں لئی
اسیں لڑاں گے ساتھی، زندگی دے ٹکڑے

ہتھوڑا ہُن وی چلدا ہے، اداس اہرن تے
سیاڑ ہن وی وگدے نیں، چیکنی دھرتی تے
ایہہ کم ساڈا نہیں بندا سوال نچدا
سوال دے موراں تے چڑھ کے
اسیں لڑاں گے ساتھی
قتل ہوئے جذبیاں دی قسم کھا کے
بُجھیاں ہوئیاں نظراں دی قسم کھا کے
ہتھاں تے پئے رٹناں دی قسم کھا کے
اسیں لڑاں گے ساتھی

اسیں لڑاں گے تد تک
کہ ویرُو بکریاں والا جدوں تک
بکریاں دا مُوت پیندا ہے
کھڑے سرہوں دے پُھلّاں نوں
جدوں تک واہون والے آپ نہیں سُنگھدے
کہ سُجّیاں اکھاں والی
پنڈ دی ادھیا پکا دا پتی جدوں تک
جنگ چوں پرت نہیں آوندا
جدوں تک پُلس دے سپاہی
آپنے ہی بھراواں دا گلا گُھٹن دے بادھک ہن
کہ بابو دفتراں والے
جدوں تک لہو دے نال حرف پاوندے ہن۔۔
اسیں لڑاں گے جد تک
دنیا چ لڑن دی لوڑ باقی ہے۔۔۔

جدوں بندوق نہ ہوئی، اودوں تلوار ہووے گی
جدوں تلوار نہ ہوئی، لڑن دی لگن ہووے گی
لڑن دی جاچ نہ ہوئی، لڑن دی لوڑ ہووے گی
تے اسیں لڑاں گے ساتھی۔۔۔
اسیں لڑاں گے
کہ لڑن باہجوں کُجھ نہیں ملدا
اسیں لڑاں گے
کہ حالے تک لڑے کیوں نہیں
اسیں لڑاں گے
آپنی سزا قبولن لئی
لڑکے مر چکیاں دی یاد زندہ رکھن لئی
اسیں لڑاں گے ساتھی۔۔۔۔۔

حوالہ: انکار ( ویکھو )