اِنج ہی سہی

اسیں بکرے بُلاوندے اوہناں نوں چنگے نہیں لگدے
چلو اِنج ہی سہی
اوہ تاں بس شغل فرماوندے رہے
وین سُندے آئے
داد دیندے رہے۔۔۔۔

زندگی جے کوِِتا جیہی ہوندی
اسیں خاموش ہی رہندے
سُفنے جے پتھر دے ہوندے
گِیٹیاں سنگ ہی پرچ چھڈ دے
پانی نال جے ڈھڈ بھر سکدا
تاں پی کے سوں رہندے
چاندنی جے اوڑھی جاسکدی
سِیوں کے پالیندے۔۔۔

ایتھے پر کجھ نہیں دِسدا
امن دیاں گُھگیاں ورگا
گیتاں دے درخت نہیں لبھدے
جیہناں سنگ پینگھ پالئیے۔۔۔

اسیں تاں کھوہنی ہے
آپنی چوری ہوئی راتاں دی نیند
اسیں ٹوہنا ہے زور
خون لِبڑے ہتھاں دا
اوہناں نوں بھلے لگن لئی
اسیں ہُن وین نہیں پاونے۔۔۔

حوالہ: اُڈ دے بازاں مگر