گلے سڑے پُھلاں دے ناں

اسیں تا پنڈاں دے واسی ہاں،
تُسیں شہر دے واسی تاں سڑکاں والے ہو
تُسیں کاس نُوں رینگ رینگ کے چلدے ہو؟
ساڈا من پرچاون تاں ہٹّی بھٹّھی ہے
تُسیں کلباں سِنمے والے
ساتھوں پہلاں بُڈھے کیویں ہوجاندے ہو؟
ساڈی دوڑ تاں کالے مہر دی مٹی تیک
جاں تُلسی سُود دے ٹُونے تک ہے
تُسیں تاں کیہندے چند دیاں گلّاں کردے ہو
تُسیں اساتھوں پہلاں کیوں مر جاندے ہو؟
اسیں کالجے کُٹ کُٹ کے وی سی نہیں کیتی
تُسیں جو رنگ برنگے جھنڈے چُکّی پِھردے
کھاندے پیندے موت تے چھڑاں چلاوندے ہو
ایہہ بوہڑی دھاڑیا کیہڑی گل دی کردے ہو؟
دیکھیو ہُن
ایہہ سُکّی روٹی گنڈھے نال چباون والے
تُہاڈے شہر دے سڑکاں کمرے نگل جان لئی
آ پہنچے ہن
ایہہ تہاڈی ڈائننگ ٹیبل
تے ٹرے آں تک نِگل جان گے
جد ساڈی روٹی تے ڈاکے پیندے سن
جد ساڈی عزّتاں تے سنّھاں لگدیاں سن
تاں اسیں انپڑھ پینڈو مُونہہ دے گُنگے ساں
تُہاڈی لکچو کافی ہاوس چ کی کردی سی؟
تُہانوں پڑھیاں لِکھیاں نوں کیہہ ہویا سی؟
اسیں تُہاڈی خاہِش دا اپمان نہیں کردے
اسیں تُہانوں آدر سہت
سنے تُہاڈے ہوند واد دے
برچھے دی نوک تے ٹنگ کے
چند اُتے اپڑا دیواں گے
اسیں تاں ساد مُرادے پینڈو بندے ہاں
ساڈے کول 'اپالو' ہے نہ 'لُونا' ہے